Agro do Cruceiro

Somos unha familia que temos unha pequena granxa de orixe labrego na parroquia de Valenza, situada no norte do Concello de Coristanco, en plena comarca de Bergantiños, lugar privilexiado pola súa beleza paisaxística e natural. Ata fai poucos anos, a actividade principal era a explotación de vacas leiteiras, pero na actualidade dedicámonos ó cultivo de produtos de horta. A rica composición do solo desta comarca fai que os produtos de horta obteñan unha calidade excepcional. Tomates, leitugas e xudías son os que producimos nos invernadoiros, mentres que as cebolas e patacas plántanse ó aire libre. Ademais da produción hortícola, criamos porcos e capóns alimentados a base de verduras e millo do país, que cultivamos nós, e que a súa fariña de excelente calidade resulta moi saborosa para as masas. Este millo poderíamolo vender. Consúltanos os prezos da nosa grande variedade de produtos de horta.

Servizo sen frío

Servizo con frío

Servizo para grandes cantidades