O proceso de fabricación do queixo coincide coa chegada do leite á fábrica. Xa nas instalacións, a etapa productiva comeza coa elaboración da pasta de queixo (o paso de estado líquido a sólido) e prosegue co moldeado e baleirado dos moldes de queixo, coa entrada na salmoeira, co secado das pezas e, finalmente, co empaquetado. Unha vez elaborado, consérvase en grandes cámaras de refrixeración. Por último, o departamento de loxística encárgase da distribución do queixo no mercado.

Imaxe dunhas das cubetas da fábrica de queixo

A fábrica que visitou Granxa Familiar dispón de dúas cubetas ou depósitos de leite, cunhas capacidades de 10.000 e 12.000 litros. Xeralmente, os operarios énchenas con 9.500 e 11.500 litros respectivamente. Para elaborar pasta de queixo, o leite precisa entrar nun proceso de solidificación, para o cal é necesario engadirlle o cóallo. No proceso, podemos distinguir unhas barras nas cubetas chamadas liras; a función das mesmas é indispensable para facer o gra do queixo, axitando e cortando o cóallo en tiras, en cubos e finalmente en gras de distinto tamaño. Unha vez obtido o gra, incorpórase auga quente para liberar o soro e sacarlle acidez, deste xeito o queixo estará máis suave.

Proceso de moldeado dos queixos

A producción prosegue co moldeado e prensado do queixo. Despois, baléiranse os moldes e as pezas de queixo entran na salmoeira, onde permanecen entre tres e 24 horas dependendo do seu grado de salinidade. Na salmoeira, os operarios necesitan coordinar o tempo coa concentración de sal e a temperatura da auga. Finalmente, extráeselles a humidade no túnel de secado e iníciase o envasado e embalaxe das pezas de queixo.

Proceso de envasado e emabalaxe das pezas de queixo

Na elaboración do queixo, é necesario que exista un bo equilibrio entre a graxa do leite, a consistencia e o sabor. A fábrica que visitamos produce varios tipos de queixo: o queixo galego que contén leite enteira e o queixo de barra, producido con leite semidesnatada.

ENLACES DE INTERESE

Casa do Queixo

Denominación de orixe Queixo de Tetilla

Festa do Queixo en Arzúa