Adega Diego de Lemos

Non hai

Non hai

Esther, da Adega Diego de Lemos, protagonista nun programa da televisión

O pasado mércores día 8 de febreiro deste 2017, a canle de televisión estatal Cuatro emitía unha nova edición do programa Volando voy, presentado polo famoso aventureiro Jesús Calleja.

Desta vez, foron parar á Ribeira Sacra para poñer en valor a incrible paisaxe modelada polos ríos Sil, Miño e Cabe, en cuxas vertentes se cultiva de forma espectacular un viño único, de Denominación de Orixe Ribeira Sacra.

Aínda que foron varios os viticultores participantes no programa, a maior atención foi para Esther Teijeiro, da Adega Diego de Lemos, inserida en Granxa Familiar, que ós seus 80 anos sigue traballando a diario nestes escarpados terreos.

Esther volveu a esta terra para poñela en valor, superando as adversidades e sen facer caso dos malos augurios que lle vaticinaban os demais. E así, conseguíu ter a primeira bodega coa D.O. Ribeira Sacra en 1985, que a partires do ano 2000 converteuse na primeira adega ecolóxica de Galicia.

Coa presenza neste programa, axudóuselle mediante a instalación dun camiño de madeira para que poida moverse mellor por estas pendentes, que ó presentador Jesús Calleja non lle deixaban de asombrar, sobre todo en canto a que Esther anda e traballa nelas a cotío, definindo ós viticultores desta zona como heroicos.

O único desexo de Esther é que esta tradición vinícola non se perda, pois é preciso que a xente xoven recupere o traballo no rural e que este non quede abandonado.

Podedes ver a emisión completa do programa aquí.

Aquí, tedes máis información na web de Cuatro.

Por último, non esquezades visitar a web de Diego de Lemos e mercarlle algún dos seus magníficos viños ecolóxicos.